Saddabindu pakaraṇaṃ

Sannasahita - śabdabinduva.
[Sanna not data-entered]

Namo tassa bhagavato arahato sammāsambuddhassa.

1 Yassañeyyesu dhammesu, nāṇumattampaveditaṃ
Natvāsaddhammasaṃghaṃtaṃ, saddabinduṃsamārabhe.

[SL Page 002] [\x 2/]

2 Kādiritā navasaṅkhyā, kamenaṭā di yādica
Pādayopañca saṅkhyātā, suññanāmā saraññanā

3 Sarehevasarāpubbe luttāvāvīpareramā
Byañjanācāgamāvāvī dīgharassādisambhavā.

[SL Page 003] [\x 3/]

4 Kākāsenāgatosisa keniddhimaccadassayi
Arājakhvaggimesīnaṃ sotukammeghayitthiyo.

Iti sandhikappo samatto.
=================

[SL Page 004] [\x 4/]

5 Buddhapumayuvasanta rājabrahmasakhācasā
Yatādidehījantuca satthupitābhibhūvidū.

6 Kaññāmmārattithipo, kkharaṇīnadirumātubhū
Napuṃsaketiyantāca, padakammadadhāyuno.

[SL Page 005] [\x 5/]

7 Gahitāgahaṇenettha suddhosyādyantakāpume
Vimalāhontijāntehi thyaṃpañcantehidādhikā

8 Napuṃsakepayogātu janakāhontityantato
Padhānānugatāsabba nāmasamāsataddhitā

[SL Page 006] [\x 6/]

9 Attiliṅgānipātādi tatoluttāvasyādayo
Suttānurūpatosiddhā hontivattāmanādayo.

Iti nāmakappo samatto.
================== 10
Chakārakesasāmismiṃ samāsohotisambhavā
Taddhītākattukammasa, mpadānokāsasāmisu.

[SL Page 007] [\x 7/]

11
Sādhattayamhiākhyāto kitakosattasādhane
Sabbatthapaṭhamāvutte avuttedutiyādayo.

12
Manasāmuninovutyā vanebuddhenavaṇṇite
Vaṭṭāhitovivaṭṭatthaṃ bhikkhubhāvetibhāvanaṃ.

Iti kārakakappo samatto.
==================

[SL Page 008] [\x 8/]

13
Rāsīdvipadikādvandā liṅgenavacanenaca
Luttātulyādhikaraṇā bahubbīhītukhemarū.

14
Tappurisācakhemorā dayācakammadhārayā
Digavocāvyayāhārā etesabbepihāritā,

Iti samāsakappo samatto.
-------------------

15
Kaccāditopiekamhā saddatoniyamaṃvinā
Nekatthesatibhonteva sabbetaddhitapaccayā.

Iti taddhitakappo samatto.
------------------

[SL Page 009] [\x 9/]

16
Kattarināññathākamme tathābhāvetumerayā
Sabbetepacadhātumhi saṅkhepenamarūmayā.

[SL Page 010] [\x 10/]

17
Gamīmhātiguṇāphatto sambhavāaññadhātusu
Anantāvapayogāte ādesapaccayādihi.

Iti ākhyātakappo samatto.
--------------------
18
Kitādipaccayāsabbe, ekamhāapidhātuto
Siyuṃnurūpatosatta, sādhanesatipāyato.

Iti kitakappo samatto.
----------------
[SL Page 011] [\x 11/]

19
Iminākiñcilesena, sakkāñātuṃjināgame
Payogāñāṇināsindhu, rasovekenabindunā.

20
Rammaṃsīghappavesāya, puraṃpiṭakasaññitaṃ
Maggojumaggataṃmaggaṃ, saddāraññevisodhito.

[SL Page 012] [\x 12/]

21
Teneva kiñci jalito jalito padīpo
Kaccāyanuttiratano citagabbhakoṇe
Dhammādirājagurunā garumāmakena
Dhammena yobbipatinā sagaruttanīto.

Iti saddabindu pakaraṇaṃ parisamattaṃ.
----------------------
Yosaññamo guṇadhano nayanaṃ nijaṃva
Sikkhāpayī mama mavaṃ sugatāgamādo
Salloka puñja suhado padumādi rāma
Nāmo mahā yativarā cariyo samayhaṃ.

Saddhādhanena vasatā viditamhi pupphā
Rāmedhunā ariyavaṃsa dhajavhayena
Santena ñāṇatilako tyaparākhyakena
Bālānametamavidhīyi mayāhitāya.
-------------------